Алимҗан һимитниң аяли алий сотқа әрз қилидиғанлиқини билдүрди

Хитай даирилири тәрипидин "дөләт мәхпийәтликини ашкарилаш" билән әйиблинип, 15 йиллиқ қамақ җазасиға һөкүм қилинған уйғур христиан муритлиридин алимҗан һимитниң аяли гүлнур, алий сот мәһкимисигә әрз қилидиғанлиқини билдүргән.
Мухбиримиз әркин
2011-01-28
Share

Қәшқәр оттура сот мәһкимиси өткән йили алимҗанни 15 йиллиқ қамақ җазасиға һөкүм қилғандин кейин, гүлнур юқири сотқа әрз қилған. юқири сот өткән йили 11‏-айда әрзини қобул қилип, 12‏-айда делони көрүп чиққан болсиму, лекин 2‏-сотниң нәтиҗисини һазирға қәдәр алимҗан вә яки униң аилә-тавабатиға уқтурмиған.

Америкиниң тексас штатидики "җуңго ярдәм җәмийити "ниң гүлнурдин нәқил кәлтүрүп ашкарилишичә, юқири сот даирилири бу дело 12‏-айниң ахирлири тәтбиқлинип, әсли һөкүм күчкә игә қилинғанлиқини ашкарилап, гүлнурға адвокат тутуп аварә болмаслиқни ейтқан.

Гүлнур пәйшәнбә күни радиойимизниң хитай тили бөлүминиң зияритини қобул қилип, әгәр юқири сотниң әсли һөкүмни күчкә игә қилғанлиқи раст болса, алий сотқа әрз қилидиғанлиқини билдүрди. Алимҗан қолға елинип, 15 йиллиқ қамақ җазасиға һөкүм қилинғандин кейин, униң делоси хәлқара җәмийәтниң диққитини қозғиған иди. 2008‏-Йили сентәбирдә б д т кишилик һоқуқ кеңишиниң халиғанчә қолға елиш вәқәлирини тәкшүрүп ениқлаш гурупписи қарар чиқирип, алимҗан һимитниң делоси халиғанчә қолға елип қанунсиз сотлаш вәқәсигә киридиғанлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт