Америка афғанистанға йәнә 30 миң әскәр әвәтишни пиланлимақта

Америка қораллиқ қисимлири баш штабиниң рәиси генерал майк мулән шәнбә күни бәргән баянатида келәр яз айлириғичә, афғанистандики америка һәрбий қисимлириниң сани 60 миң кишигә йетиши мумкин, деди.
Мухбиримиз өмәр қатат
2008-12-20
Share

Генерал майк мулән афғанистанниң пайтәхти кабул шәһири йенидики америка һәрбий базисида өткүзгән мухбирларни күтүвелиш йиғинида бәргән баянатида, америка мудапиә министирликиниң афғанистанға 20 билән 30 миң әтрапида қошумчә америка һәрбий қисимлири әвәтишни пиланлаватқанлиқини, билдүрди.

Лекин у баянатида, афғанистанда тинчлиқни қайтидин тикләш үчүн, америка һәрбий қисимлириниң санини көпәйтишниң йетәрлик болалмайдиғанлиқини, афғанистанда тинчлиқ вә турақлиқни орнитиш үчүн, бу дөләтниң иқтсадий вә иҗтимаий тәрәққиятиға алаһидә көңүл бөлүнүши керәкликини тәкитлиди.

Нөвәттә афғанистанда 31 миң америка һәрбий қисимлири паалийәт елип бериватқан болуп, талибан қалдуқлириниң афған миллий армийиси вә афғанистандики иттипақдаш армийә қисимлириға қаратқан һуҗумлирини күнсери күчәйтиши, америка һөкүмитини афғанистандики һәрбий қисимлирини көпәйтишкә мәҗбурлиған.

Америка бирләшмә агентлиқиниң хәвәр қилишичә, 2008‏- йили афғанистандики америка һәрбий қисимлири үчүн әң қанлиқ йил һесаблинидикән. Америка һәрбий қисимлири 2001‏- йилидин йәни афғанистандики талибанлар һакимийити гумран болғандин буян мушу йил ичидә әң көп қурбан бәргән.

Талибан қалдуқлири, өзини өлтүрүвелиш характерлик һуҗумлар, партилтиш һәрикәтлири арқилиқ афғанистандики америка вә иттипақдаш армийә қисимлирини нурғун зиянға учратқан һәмдә йеза қишлақлардики һәрикәтлирини кеңәйтип, афғанистанниң пайтәхти кабул шәһиригә тәһдит қилишқа башлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт