Америка Google мәсилисидә хитай үстидин дуня сода тәшкилатиға әрз - шикайәт қилишни ойлишиватиду

Америка һөкүмити хитайниң америка интернет издәш матори‏ - Google ториға тәкшүрүш түзүми йүргүзгәнлик вәқәсини адаләтсиз сода қорғини пәйда қилғанлиқтур, дәп қарап, хитай үстидин дуня сода тәшкилатиға әрз қилишни ойлашмақта икән.
Мухбиримиз әркин
2010-03-05
Share

Бу һәқтики хәвәрләрдә америка һөкүмити сода ишханисиниң нөвәттә Google ға мунасивәтлик икки тәшкилат тәминлигән әрзи - шикайәткә даир қануни асаслар үстидә тәтқиқат елип бериватқанлиқини илгири сүрди.

Мәзкур әрз -шикайәткә даир йеқинқи хәвәрләрдә америкидики "компютер вә алақә санаәт бирләшмиси" шундақла "тунҗи асаси қанун лаһийәси" намлиқ икки аммиви тәшкилатниң америка һөкүмитигә бу җәһәттики пакит вә қануни асасларни сунғанлиқи, лекин америка һөкүмитиниң әрз - қилиш яки қилмаслиқни техи қарар қилмиғанлиқини билдүргән иди.

Бу икки тәшкилатниң әскәртишичә, хитай һөкүмитиниң интернәткә қойған учур чәклимиси америка интернет ширкәтлиригә вә интернет содисиға қилинған иғвагәрчиликтур.

Ройтерс агентлиқиниң җүмә күни хәвәр қилишичә, хитай учур -санаәт министири ли йиҗоң, хитайниң Google ширкити билән оттуридики ихтилапни һәл қилиш үчүн музакирә елип бериватқанлиқини илгири сүргән. Google Ширкитиниң юқири дәриҗилик бир мәсули йеқинда америка дөләт мәҗлисидә гувалиқ бәргәндин кейин мухбирларға сөһбәт елан қилип, хитай билән Google арисидики ихтилапни дуня сода тәшкилатиниң һәл қилиш тәклипи ойлушуп көрүшкә болидиған тәклип, дегән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт