Gilani: biz amérikigha boyun egmeymiz

B b s ning xewer qilishiche, gilani yighinda, amérikining rayondiki muqimsizliq üchün pakistanni jawabkarliqqa tartishini asassiz dep körsetken we “Pakistan amérikigha hergiz boyun egmeydu” dégen.

Amérika herbiy qisimliri bash shtab bashliqi, adéméral mayik mullin yéqinda “Afghanistanda heriket qiliwatqan heqqaniy teshkilatining pakistan bilen muhim baghlinishi bar” dégen idi.

Mayk mullining bu sözi elqa'ide lidiri bin ladin pakistanda öltürülgendin béri bashlan'ghan öz-ara eyibleshlerning téximu ulghiyishigha seweb bolup, pakistan hökümitini qattiq narazi qilghan idi.

Pakistandiki bezi guruppilar mayik mullénning sözlirini urush tehditi dep qobul qilghan bolup, yighinda amérika bilen urush éhtimalining muzakire qilin'ghanliqimu xewer qilinmaqta.

Amérika pakistanning, yéqinda afghanistandiki elchixanisigha hujum qilghan heqqaniy teshkilatini qollap kelgenliki we bu teshkilatning shimaliy weziristanda baza qurushigha ruxset qilip, herbiy we maddiy yardem bilen teminlep kelgenlikige ishinidu.