Amérika déngiz armiye admirali xitayning herbiy tereqqiyati özlirini teshwishke séliwatqanliqini bildürdi

"Jorj washin'gton" namidiki awi'amatka peyshenbe küni bir qanche künlük ziyaret üchün xongkong déngiz portigha kélip toxtighan idi. Kewin donégan jüme küni muxbirlargha bayanat bérip, xitay herbiy küchining "mislisiz sür'et" bilen kéngiyiwatqanliqini, amérika xitayning herbiy kéngeymichiliki rayonda sarasim peyda qilishni meqset qilmaydighanliqini bilishke qiziqidighanliqini bildürgen.

Xitay bu yilqi herbiy xam chotini yene 15% köpeytip, amérika herbiy da'iriliride xitayning kélechektiki meqsitige nisbeten chongqur shübhe peyda qilghan idi.

Kewin donégan xongkongda mundaq dégen": biz herbiy küchning bu sür'et bilen kéngiyiwatqanliqini körgende, uning ap - ashkariliqi we bu küchning néme meqsetke ishlitidighanliqini chüshinishke qiziqimiz."

Donégan bu sözlerni xitay merkizi herbiy ishlar komitétining mu'awin re'isi shuy seyxu washin'gtonni ziyaret qilip, emdila dölitige qaytqan mezgilde tekitligen.

Xitay yéqinqi 20 yildin buyan herbiy xam chotini her yili 10 nechche pirsentti'in köpeytip keldi. Xitayning bu yilqi ashkara élan qilghan herbiy xam choti 71 milyard dollar bolup, washin'gtondiki analizchilar bu san xitay herbiy xam chotining peqet bir qismidin ibaret, dep qarimaqta idi.