راي سىناش نەتىجىسى: ئامېرىكا خەلقى خىتاي مۇھاجىرلىرىنىڭ ساداقەتمەنلىكىدىن گۇمانلىنىدۇ

راي سىناش نەتىجىسىدىن قارىغاندا بۇ قاراشتىكى ئامېرىكا پۇقرالىرىنىڭ نىسبىتى ئاز كەم 45% ئەتراپىدا بولۇپ، ئۇلار ئامېرىكا بىلەن خىتاي ئارىسىدا ھەربىي ياكى ئىقتىسادى مەسىلىلەر سەۋەبى توقۇنۇش يۈز بېرىپ قالسا، ئامېرىكىدىكى خىتاي مۇھاجىرلىرىنى خىتايغا يان باسىدۇ، دەپ قارىغان.
 
لېكىن، راي سىناش پائالىيىتىگە قاتناشقان خىتاي مۇھاجىرلىرىنىڭ 4 تىن 3 قىسىمى ئامېرىكىغا يان باسىدىغانلىقىنى بىلدۈرگەن. يەنە 3 تىن 2 قىسىم ئامېرىكا پۇقراسى خىتاينىڭ كەلگۈسى 10 يىلدا ئامېرىكىغا تەھدىت سېلىشىدىن ئەنسىرەيدىغانلىقىنى بىلدۈرگەن بولۇپ، ئامېرىكا پۇقرالىرىنىڭ بۇ جەھەتتىكى پىكرىدە يېقىنقى 9 يىلدىن بېرى ھېچقانداق ئۆزگىرىش بولمىغان.

2001 - يىلدىكى راي سىناشتا پۇقرالارنىڭ 3 تىن 2 قىسىمى خىتايدىن ئەنسىرەيدىغانلىقىنى بىلدۈرگەن ئىدى. شۇ يىلقى راي سىناشتا خىتاي ۋە ئاسىيالىقلارنىڭ ئامېرىكىغا بولغان ساداقەتمەنلىكىدىن گۇمانلىنىدىغان ئامېرىكا پۇقرالىرىنىڭ نىسبىتى 37% ئەتراپىدا ئىدى. لېكىن بۇ يىلقى راي سىناشتا خىتاي مىھاجىرلىرىنىڭ ساداقەتمەنلىكىدىن گۇمانلىنىدىغان ئامېرىكىلىقلارنىڭ نىسبىتى كۆرۈنەرلىك ئاشقان.