Amérika yaponiye -xitayni arallar mesilisidiki ixtilapni söhbet arqiliq hel qilishqa chaqirdi

Uning ilgiri sürüshiche, yaponiye-xitay arisida peyshenbe küni yüz bergen weqe, arallar mesilisini söhbet arqiliq hel qilishning zörürlükini namayan qilghan.

Peyshenbe küni, yaponiye déngiz charlash etriti xitay déngiz okyan idarisige qarashliq bir charlash ayropilanining sénkaku hawa boshluqigha kirgenlikini bayqighan. Yaponiye derhal sekkiz dane f-15 urush ayropilani we bir dane e2ch belgilik signal ayropilani chiqirip, xitay charlash ayropilanini tosqan. Yaponiyining béyjingda turushluq elchixanisi xitaygha naraziliqi bildürgen.

Biraq xitay tashqi ishlar ministirliqi, sénkaku arili (dyawyü) junggo zémini ikenlikini ilgiri sürüp, xitay ayropilanining aralda uchushi “Pütünley normal” dégen idi.

Amérika tashqi ishlar ministirliqi bayanatchisi wéktoriye nuland, peyshenbe künlük axbarat élan qilish yighinida mezkur weqe heqqide toxtilip: ötken 24 sa'et ichide yüz bergen hadise, yaponiye bilen xitayning öz ara söhbet ötküzüp, bu xil weqening dawamliq yüz bérishidin saqlinishi zörürlükini körsetti, dep tekitligen.