Хитай компартийиси мушу бир йил ичидә уйғур елидики асаси қатлам партийә тәшкилатлирини җиддий көпәйтти

Хитай компартийисиниң уйғур елидики асаси қатлам партийә тәшкилатлириниң сани мушу бир йил ичидә җиддий көпәйгән.
Мухбиримиз әркин
2011-07-01
Share

Шинхуа агентлиқиниң ашкарилишичә, уйғур елидә аптоном районлуқ парткомға қарашлиқ асаси қатлам ячейка вә партийә комитетлири мушу бир йилда 2 миңдин артуқ көпийип, 69666 гә йәткән. Шинхуа агентлиқиниң бу һәқтики хәвиридә райондики компартийә асаси қатлам тәшкилатлириниң өткән йилқидин 2048 и көпәйгәнлики билдүрүлгән. Лекин шинхуа агентлиқи хәвиридә йеңи көпәйгән партийә асаси қатлам тәшкилатлириниң қайси җайларда вә қайси саһәләрдә қурулғанлиқини, бундақ тез көпийиштики сәвәбни чүшәндүрмигән.

Бәзи анализчилар, бу даириләрниң “5-июл вәқәси” дин кейин бихәтәрликни күчәйтипла қалмай, асаси қатлам партийә қурулушини күчәйтип, уйғурларға сиясий, идийиви контроллуқни күчәйткәнлики билән мунасивәтлик, дәп көрсәтмәктә. Шинхуа агентлиқиниң хәвиридә йәнә, уйғур аптоном районидики хитай компартийә әзалириниң бир милйон 320 миңдин ашқанлиқи, буниң 71.50 Пирсәнтини йәрлик милләтләр игиләйдиғанлиқи билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт