Bélarusiye kommunist öktichiliri xitaygha naraziliq bildürdi

Amérika awazining xewer qilishiche, anche köp bolmighan namayishchilar qollirida in'glizche“Xitayda ishlen'gen” dégen xetler yézilip, üstidin qara qelem bilen jijiwétilgen plakatni kötürüp,xitayning bélarusiyidiki iqtisadiy we siyasiy tesirining kéngiyiwatqanliqigha naraziliqini ipade qilghan. Biraq, namayishni teshkilligen “Bélarusiye milliy bolshéwiklar partiyisining rehbiri 15 künlük möhlet bilen saqchilar teripidin tutup kétilgen.

Öktichiler amérika awazining muxbirining ziyaritini qobul qilip, xitay hökümitining aléksandir lukashénko hökümitige iqtisadiy yardemlerni bériwatqanliqi we lukashénkoning rusiyining bésimidin qutulush üchün xitay bilen zor miqdardiki soda - iqtisad we bashqa hemkarliq kélishimlerni tüzüshi netijiside xitay tesirining bélarusiyide éship kétiwatqanliqini bildürüp,“Diktator hakimiyetler öz - ara bir - birini qollaydu” dep körsetken shuningdek yene “Xitayning mebleghliri aléksandir lukashénkoning öz mustebitlikini mustehkemlishige yardem bermekte” dep tenqid qilghan.