Берминиң зәмбирәк оқи хитай чегрисидин өтүп көп адәмни яриландурди

Бирләшмә агентлиқиниң бейҗиңдин баян қилишичә, бермида һөкүмәт қисимлири билән кокаң районидики йәрлик қисимлар оттурисида бүгүнму уруш боливатиду. Йүннән қизил кирис җәмийитиниң муавин башлиқи хе йоңчүнниң енгилизчә чиқидиған 'хәлқ гезити'гә сөзләп беришичә, берма тәрәптики етишиш түнүгүн кечидә бирдәм тохтиғандин кейин, бүгүн әтигән саәт 8 ләрдә йәнә башланған.
Мухбиримиз вәли
2009-08-30
Share

Берминиң зәмбирәк оқлири хитай чегрисидин өтүп бир адәмни өлтүргән вә көп адәмни яриландурған. Бүгүн йүннәндики җенкаң дохтурханисиға елип келингән яридар сани20 дин ашқан.

Йүннән TV истансисиниң баян қилишичә, бермида қораллиқ тоқунуш йүз бәргәндин кейин, кокаң райони қуруқ шәһәрләргә айланған. Йүннәндә 7 орунда тәсис қилинған мусапирлар лагери һазир кокаңдин қачқан хитайларни қобул қилип, уларға турар җай, йотқан - әдиял вә һәр күни 8 йүәндин тамақ пули бериватиду.

Б б с елан қилған мулаһизиләргә қариғанда, әгәр берма қисимлири һәрикитини тохтатмиса, бермида омумйүзлүк ички уруш партлаш вә бу уруш әтрапқа кеңийиш еһтимали бар.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт