Béshkektiki hökümetke qarshi namayish bésiqturuldi

3-Öktebir charshenbe küni qirghizistandiki bir qisim yashlar “Ata yurt partiyisi” ning yéteklishi bilen namayish qilip, hökümet da'iriliridin qirghizistan'gha jaylashqan kanada shirkiti igidarchiliqidiki qumtor altun kanini dölet igilikige ötküzüwélishni telep qilghan.

Shu küni mingdin artuq namayishchi béshkek shehiridiki parlamént binasi we prézidént sariyigha hujum qilghan we hökümet binasigha bésip kirishke urun'ghan idi.

Bir qisim namayishchilar bixeterlik chembirikini buzup hökümet binasigha yéqinlashqan bolsimu, saqchilar yash aqturush bombisi qatarliqlarni ishlitip namayishchilarni binadin yiraqlashturdi. Nöwette namayish pütünley bésiqturulghan bolup, sheher ichi tinchlandi.

Qumtor altun kéni qirghizistan bilen qeshqer chégrilinidighan tagh arisigha jaylashqan bolup, ottura asiyadiki eng chong altun kéni iken.