Бейҗиңда йәнә әрздарларни тутқун қилиш һәрикити елип берилди
2012.09.18
Мәлум болушичә сақчилар өйму-өй ахтуруп сақчиларниң қара тизимликидики әрздарларни тутуп уларни йеқин әтраптики җу җавен сақчиханисиға елип кәткән.
Бошүн тор бекитидиму түнүгүн бейҗиңда йәнә бир қетимлиқ әрздарларни тутуш һәрикити елип берилғанлиқи хәвәр қилинди. Хәвәрдин мәлум болушичә бейҗиңда әрздарлар өй иҗарә елип олтурған дахиң кәнти, шөбав кәнти қатарлиқ бирқанчә җайдиму түнүгүн кәчтә сақчиларниң тизимлик бойичә адәм тутуш вәқәси йүз бәргән.
Радиомиз игилигән учурлардин мәлум болушичә бүгүн сәйшәнбә күни әтигән бейҗиң дөләтлик әрзийәт ишханиси алдида тизилип туруп нөвитини күтүватқан 300дәк әрздардин сақчилар уларниң кимликини көрүшни тәләп қилған һәмдә уларниң ичидин йәнә 10 кишини тутуп кәткән.
Бу йил 5-июл һарписидин буян уйғур елидин әрз үчүн кәлгән уйғурлар бейҗиң сақчилириниң һәмкарлишиши билән, уйғур аптоном районидики йәрлик даириләр тәрипидин бейҗиңға әвәтилгән сақчи кадирлар тәрипидин тутқун қилинип, юртлириға қайтурулған болуп, радиомиз уйғур бөлүми уларниң ичидики нурунгул, ғази ака қатарлиқларниң юртиға қайтурулуп кәлгәндин кейин қамап қоюлғанлиқи һәққидә учур алған иди.
Көп көрүлгән хәвәрләр
RFA
- Уйғур зиялийлири истанбулға җәм болуп, өз миллий тәқдири мәсилилирини муһакимә қилди
- Долқун әйса б д т кишилик һоқуқ кеңишидин уйғур ирқий қирғинчилиқиға қарита әмәлий һәрикәт қоллинишни тәләп қилди
- Уйғурларниң нопуси һәққидики әң йеңи китаб
- Моңғул тәтқиқатчи яң хәййиң :“ хитай һөкүмити йүргүзүватқан миллий ассимилятсийәни хитай пуқралириму астирттин қоллайду”
- Ваң хуниң: “шинҗаңдики мәдәнийәт, маарип вә муқимлиқ сияситини қәтий давамлаштуруш лазим!”