Бейҗиңда партлаш вәқәси йүз бәрди, бир америкилиқ яриланди

Пәйшәнбә күни бейҗиңниң дуң җимин районида партлаш йүз берип, бир америка пуқраси яриланди. Бирләшмә агентлиқиниң хәвәр қилишичә, вәқә бейҗиңниң дуң җимин районидики бир сода сарай әтрапидики йолда чүштин кейин саәт 3: 20 минут өткәнләрдә мәйданға кәлгән.
Мухбиримиз ирадә
2010.10.21
Share on WhatsApp
Share on WhatsApp

Партлаш җәрянида йолдин өтүп кетиватқан бир қисим пиядиләр яриланған. Уларниң ичидә 30 яшлиқ америкилиқ оқуғучиму бар болуп, партлашта униң пути яридар болған.

Бейҗиң сақчи даирилири вәқәдә һечқандақ мадди чиқим келип чиқмиғанлиқини билдүрди. Әмма партлашниң мәйданға келиш сәвәби һәққидә һазирчә мәлумат бәрмиди.

Шинхуа ториниң хәвәр қилишичә, бйеҗиң сақчи даирилири вәқә үстидә кәң көләмлик тәкшүрүш башлиған. Партлаш мәйданға кәлгән район сақчилар тәрипидин қамал қилинип, қатнаш тохтитилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.