Бирләшмә армийә ливийә қошунлирини бомбардиман қилишни давамлаштурди

Америка, франсийә вә әнглийә қатарлиқ әлләрни өз ичигә алған бирләшмә күчләр ливийә һөкүмәт армийисиниң бир қисим һәрбий нуқтилири вә әслиһәлирини бомбардиман қилишни башлиғандин кейин, йәкшәнбә күни йәнә бир қетим һава һуҗуми елип барди.
Мухбиримиз үмидвар
2011.03.20
Share on WhatsApp
Share on WhatsApp

Әнглийә б б с агентлиқиниң хәвәр қилишичә, 19 данә америка һәрбий айропилани йәкшәнбә күни сәһәрдә ливийә қуруқлуқ қисимлириға һәм уларниң һава мудапиә әслиһәлиригә һуҗум қозғиған болуп, бу һуҗумға 3 данә радарда көрүнмәс бомбардиманчи айропиланму қатнаштурулған.
Франсийә агентлиқиниң хәвәр қилишичә, бу һуҗумда бенгази шәһириниң ғәрбий қисмиға орунлашқан казафий қисимлириниң бир қанчә он данә аптомобили вә танкилири вәйран қилинған.

Америка қораллиқ күчлири штаб башлиқи ливийидә елип берилған бу дәсләпки һәрбий һәрикәтләрниң мувәппәқийәтлик болғанлиқи, әмди казафий қошунлириниң бенгазиниң ғәрбий қисмиға қарап илгирилийәлмәйдиғанлиқини тәриплигән. Әнглийә дөләт мудапиә вәзириму һәрбий һәрикәткә қатнашқан учқучиларниң мувәппәқийәт қазанғанлиқини билдүргән.

Икки күнлүк бу һуҗумларда ливийә һөкүмәт күчлириниң көплигән һава мудапиә әслиһәлири вәйран қилинған болуп, мәзкур һәрбий һәрикәткә америка, әнглийә, франсийә, италийә, канада қатнашқан болуп, бу бир қетимлиқ хәлқаралиқ бирләшмә һәрбий һәрикәт һесаблинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.