Бирма армийиси качин мустәқилчилиригә һуҗум башлиди

Бирма қораллиқ күчлири йәкшәнбә күни бирма билән хитай чегрисиға йеқин җайларни игиливалған качин мустәқилчилириниң базилириға топ - зәмбирәкләр билән һуҗум башлиған.
Мухбиримиз үмидвар
2013-01-20
Share


Әнглийә б б с агентлиқиниң хәвәр қилишичә, бир қанчә йүз бирма әскири качинлар җайлашқан тағлиқ районларға һуҗум қилип, уларниң мәркәзлирини игиләшкә интилмәктә. Качинлар билән бирма қораллиқ күчлири арисидики қайта уруш 2011 - йили башланған болуп, 18 - январ күни икки тәрәп арисида уруш тохтитиш пүтүшүлгән болсиму, әмма 20 - январса бирма қораллиқ күчлири йәнә һуҗум башлиған.

Бу әһвалға хитай тәрәпму инкас қайтурған болуп, хитай билән бирма тәрәп чегра районниң тинчлиқи вә муқимлиқини қоғдашқа пүтүшкән, чунки уруш болуватқан җайлар хитайниң йүннән өлкиси чегрисиға йеқиндур.

Качин мустәқиллиқ армийиси 1961 - йили қурулған, бу қошун качин миллитиниң мустәқиллиқ үчүн җәң қилишни давамлаштурған иди. Качинлар хитайдики җиңпо миллитиниң бир қисими болуп, улар бирма билән хитай чегриси әтрапиға җайлашқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт