Bérmodagha orunlashturulghan Uyghurlargha pasport bérish telep qilindi

Xelq'ara kechürüm teshkilatining bérmodada turushluq ishxanisi charshenbe küni élan qilghan melumattin qarighanda, gu'entanamodin qoyup bérilgendin kéyin bérmodagha orunlashturulghan 4 neper Uyghurning adwokati bérmoda bash ministirigha xet yézip uningdin bu 4 Uyghurning pasport mesilisini hel qilishni telep qilghan.
Muxbirimiz irade
2013-01-24
Share

Adwokat richard xorsmenning ilgiri sürüshiche, eyni chaghda bu Uyghurlargha bérmodada bir yil turghandin kéyin pasport alalaydighanliqi bildürülgen. Shunga ular bérmodagha kélishke maqul bolghan. Adwokat richard xorsmen bérmoda bash ministiri kryég kennoyirge yazghan xétide yuqiridiki nuqtini eskertip, "Bu kishiler bashqa bérmoda puqraliridek erkin sayahet qilish hoquqidin behrimen bolushi kérek" dégen.

Emma igilinishiche, bérmodaning sabiq bash ministiri éward brown bu Uyghurlargha bir yildin kéyin pasport bérilidighanliqi heqqide bir gep-sözning bolghanliqini izchil inkar qilip kelgen iken.

Gu'entanamo türmisidin aqlinip qoyup bérilgen xélil mamut, abdulla abduqadir, salahidin abdul'exet we ablikim turaxun qatarliq 4 Uyghur 2009-yili bérmodagha orunlashturulghan idi. Ular bérmodada waqitliq turush salahiyitige ige.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet