Ürümchidiki mekteplerde choshqa zukam wirusi taraldi

Amérika awazi radi'osining 8 - séntebir xewirige qarighanda ürümchi da'iriliri barliq ottura hemde bashlan'ghuch mekteplerde 6 - séntebirdin bashlap ders toxtatqan hemde buninggha choshqa zukam tarqilishning aldini élishni bahane qilip körsetken.
Muxbirimiz gülchéhre
2009-09-08
Share

Shinxu'a torining xewiridin ashkarilinishiche, ürümchidiki melum ottura mektepning bir oqughuchisining choshqa zukam wirusi yuqturuwalghanliqi melum bolghan. Ürümchi sehiye da'irilirining tarqitishiche, 6 - séntebirgiche ürümchide choshqa zukam bilen yuqumlan'ghan dep di'agnoz qoyulghanlar 43 ke yetken, bularning köpinchisi oqughuchilar iken.

Hazirghiche xitay hökümiti mekteplerning qachan qayta ders bashlaydighanliqini oqturmidi.

Amérika awazi radi'osining ürümchi ahalilirini ziyaret qilip tarqatqan xewirige qarighanda,ürümchide xitay da'iriliri düshenbe küni barliq yol éghiz lirini tosup jiddiy halet yürgüzüsh bilen teng, ichki jehettin ammigha her éhtimalgha qarshi az bolghanda üch künlük ozuqluq hem su teyyarlap qoyushni uqturghan. Ürümchide barliq dukanlar taqalghan.

Uluq éra gézitining bügünki xewiride körsitishiche, choshqa zukami nöwette Uyghur élini öz ichige alghan on ölkide ottura ‏ - bashlan'ghuch mektep oqughuchiliri arisida jiddiy tariliwatqan bolup, Uyghur élidila emes, bashqa ölkilerdimu mektepler choshqa zukam seweblik ders toxtitishqa mejbur bolghan.

B b s da körsitilishiche, xitayda choshqa zukam wirosi31 ölkining hemmisige taralghan. Hetta Uyghur, tibet aptonom rayonliridimu körülgen. Yuqumlan'ghanlar sani 5592 ge yetken.

Halbuki bezi Uyghurlar ürümchidiki mekteplerning taqilishini, "1 - séntebir melum Uyghur mektipidiki balilarning waksinidin kolléktip zeherlinish weqesi bilen munasiwetlik" dep gumanlanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet