ساركوزىينىڭ دالاي لاما بىلەن كۆرۈشۈش پىلانى خىتاينىڭ غەزىپىنى قوزغىدى

فرانسىيە پرېزىدېنتى نىكولاس ساركوزىينىڭ كېلەر ئاي پولشا زىيارىتىدا تىبەت روھانى داھىسى دالاي لاما بىلەن كۆرۈشىدىغانلىقى ئېلان قىلىنغاندىن كېيىن، خىتاي ھۆكۈمىتى جۈمە كۈنى بايانات ئېلان قىلىپ، ساركوزىي دالاي لاما بىلەن كۆرۈشسە خىتاي - فرانسىيە مۇناسىۋىتىگە زىيان يېتىدىغانلىقىنى ئاگاھلاندۇردى.
مۇخبىرىمىز ئەركىن
2008.11.14
Share on WhatsApp
Share on WhatsApp

خىتاي تاشقى ئىشلار مىنىستىرى چىن گاڭ جۈمە كۈنى ئېلان قىلغان بۇ ھەقتىكى باياناتىدا " بىز چەتئەل رەھبەرلىرىنىڭ دالاي لاما بىلەن ھەر قانداق شەكىلدە ئۇچرىشىشىغا قارشى تۇرىمىز " دەپ تەكىتلىگەن. ئۇ يەنە " بىز فرانسىيىنىڭ ئومۇمى ۋەزىيەتنى نەزەردە تۇتۇشىنى .... جۇڭگونىڭ ئەندىشىلىرىگە دىققەت قىلىشنى، بۇ تۈردىكى مەسىلىلەرنى توغرا بىر تەرەپ قىلىپ، جۇڭگو - فرانسىيە، جۇڭگو - ياۋروپا مۇناسىۋىتىنى ئىلگىرى سۈرۈشىنى تەلەپ قىلىمىز" دېگەن.

لېكىن فرانسىيە تاشقى ئىشلار مىنىستىرى بېرنارد كوچىنېر شۇ كۈنى خىتاي دائىرىلىرىنىڭ ئەگەر ساركوزىي دالاي لاما بىلەن كۆرۈشسە، خىتاي - فرانسىيە مۇناسىۋىتىگە زىيان يېتىدۇ، دېگەن ئاگاھلاندۇرۇشىنى رەت قىلدى. ئۆزىنىڭ دالاي لاما بىلەن 20 قېتىم ئۇچراشقانلىقىنى تەكىتلىگەن كوچىنېر، " بۇ مەسىلە ئەمەس" دەپ قارايدىغانلىقىنى بىلدۈردى.


ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.