خىتاي دائىرىلىرى ئامېرىكا پرېزىدېنتى ئوبامانى دالاي لاما بىلەن كۆرۈشمەسلىككە چاقىردى

خىتاي دائىرىلىرى بۈگۈن بايانات ئېلان قىلىپ، ئامېرىكا پرېزىدېنتى ئوبامانى تىبەت روھانىي داھىيسى دالاي لاما بىلەن كۆرۈشمەسلىككە چاقىردى ۋە بۇنىڭ ئامېرىكا-خىتاي مۇناسىۋەتلىرىگە دەخلى يەتكۈزىدىغانلىقىنى بىلدۈردى.
مۇخبىرىمىز جۈمە
2011-07-16
Share

ئاقساراي دائىرىلىرى جۈمە كۈنى بايانات ئېلان قىلىپ، ئامېرىكا پرېزىدېنتىنىڭ شەنبە كۈنى دالاي لامانى ئاقسارايدا قوبۇل قىلىدىغانلىقىنى بىلدۈرگەن. ئاقساراي باياناتىدا: «بۇ قېتىملىق ئۇچرىشىش ئامېرىكا پرېزىدېنتىنىڭ تىبەت دىنى، مەدەنىيىتى ۋە تىل كىملىكىنى ھەمدە تىبەتلەرنىڭ كىشىلىك ھوقۇقىنى قوغداشنى قوللايدىغانلىقىنى نامايان قىلىدۇ» دەپ كۆرسەتكەن ئىدى.

خىتاي تاشقى ئىشلار مىنىستىرلىقى باياناتچىسى خوڭ لى: «بىز ھەرقانداق چەتئەل رەھبىرىنىڭ دالاي لامانى ھەر قانداق شەكىلدە قوبۇل قىلىشىغا قارشى» دېدى ۋە بۇ نۆۋەتلىك ئۇچرىشىنىڭ ئامېرىكا خىتاي-مۇناسىۋەتلىرىگە زىيانلىق ئىكەنلىكنى تەكىتلىدى.

دالاي لاما ئۆتكەن ھەپتە دىنىي مۇراسىم ئۈچۈن ئامېرىكىغا 10 كۈنلۈك كەلگەن ۋە بۇ جەرياندا ئامېرىكا دۆلەت مەجلىسى ئەربابلىرى بىلەن كۆرۈشكەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت