Dilshat rishit xitay da'irilirining "Uyghur rayonidiki tasadipiy weqelerge taqabil turush charisi" ni eyiblidi

Dunya Uyghur qurultiyi bayanatchisi dilshat rishit bügün radi'omiz arqiliq bayanat bérip, Uyghur aptonom rayon da'iriliri 1-awghusttin bashlap yolgha qoyushni qarar qilghan "Tasadipiy weqelerge taqabil turush charisi" ni eyiblidi.
Muxbirimiz méhriban
2012-07-31
Élxet
Pikir
Share
Print

Dilshat rishit sözide, da'irilerning "Sherqiy türkistanda muqimliqni saqlash" namida Uyghurlargha qaratqan basturushni barghanche kücheytip, özi belgiligen milliy aptonomiye qanunini üzlüksiz depsende qiliwatqanliqini tekitlep, xelq'ara jem'iyetni "Sherqiy türkistandiki Uyghurlar weziyitige diqqet qilish" qa chaqirdi.

Uyghur aptonom rayon da'iriliri 30-iyul axbarat élan qilish yighini échip, rayonning uzun muddetlik eminlikige kapaletlik qilish üchün, 1-awghusttin bashlap tasadipiy weqelerge taqabil turush charisini yolgha qoyidighanliqini bildürgen. Qararda xitay qoralliq küchlirige alahide imtiyaz bérilgen. Yeni rayonning uzaq muddetlik eminlikini saqlash üchün, rayondiki bashqurush we tekshürüshni kücheytish, jiddiy ehwallar yüz bergende rayonda turushluq xitay armiyisi bilen qoralliq saqchi qisimlirining yerlik hökümetke masliship alahide tedbir alsa bolidighanliqi tekitlen'gen.

Toluq bet