Диярим ториниң саһиби дилшат пәрһат из ‏- дерәксиз йоқулуп кәтти

Хитай һөкүмити уйғур тор бекәтлиридин диярим тори билән уйғурбиз торини 5 ‏ - июл вәқәсини қутритиш билән әйиблигән иди.
Мухбиримиз шоһрәт һошур
2009-10-27
Елхәт
Пикир
Share
Принт

Диярим тор бети дилмурат пәрһат вә дилшат пәрһаттин ибарәт ака - укилар тәрипидин қурулған болуп, нөвәттә булардин дилшат пәрһат из - дерәксиз ғайип; акиси дилмуратниң билдүрүшичә, дилшат пәрһат 24 - июл күни тутқун қилинип бир һәптә сорақ қилинған вә гунаһсиз дәп қарилип қоюветилгән; арқидин бир қанчә күн өткәндә йәни 7 - авғуст күни дилшат пәрһат иккинчи қетим тутқун қилинған вә һазирға қәдәр униңдин һечқандақ учур елиш мумкин болмиған. Чәтәлләрдики ахбарат органлири вә кишилик һоқуқ тәшкилатлири бу һәқтә сүрүштүрүшкә башлиди.

Инисиниң тәқдиридин җиддий әндишә қиливатқан дилмурат пәрһат нөвәттә хәлқарадики алақидар тәшкилатларға мураҗәт сунуп, иниси дилшат пәрһатниң нөвәттики әһвалидин мәлумат елиш вә униң қоюветилиши үчүн ярдәм сориди.

Нөвәттә әнглийидики манчестер шәһәр университетида оқуватқан дилмурат пәрһат, инисиниң һазирға қәдәр хитай һөкүмитигә қарши паалийәтләргә қатнишиш вә қоллаштин өзини узақ тутуп кәлгәнликини; шундақтиму, зиянкәшликкә учраштин халий болалмиғанлиқини әскәртти.
 
Ғәйрий рәсмий мәлуматлардин қариғанда, нөвәттә үрүмчидә бәзи уйғурлар кечилири өзлирини сақчи дәп тонуштурған намәлум кишиләр тәрипидин тутуп кетилмәктә. Йәнә бәзи җайларда хитай пуқралириниң уйғурларниң өйигә сақчи формиси билән кирип зиянкәшлик қилғанлиқиму билинмәктә. Мана бу әһвал тутқунларниң аилә - тавабатини җиддий шәкилдә әндишигә салмақта.
 
Толуқ бәт