Америка доллириниң көпләп тарқитилиши хитай пулиниң пахаллишишини кәлтүрүп чиқармақта

Франсийә агентлиқиниң баян қилишичә, америка мәркизи банкиси бүгүн, америка доллириниң тарқилишини кеңәйткәнликини вә америка заюмини қайтуруп сетивалидиғанлиқини ашкарилиған иди, бу учурға әгишип хәлқарада, америка доллириниң обороттики қиммитидә чоң давалғуш пәйда болди.
Мухбиримиз вәли
2010.10.27
Share on WhatsApp
Share on WhatsApp

Хитайниң сода министири чен демиң дәрһал баянат елан қилип, америкини 'пул пахаллиқини хитайға експорт қиливатиду' дәп әйиблиди.

Хитайниң сода министириниң ейтишичә, америка доллириниң тарқитилиши контрол қилинмиғанлиқи үчүн, бу, хәлқарада мал баһасиниң үзлүксиз өрлишини кәлтүрүп чиқарған вә хитайда пул пахаллиқини пәйда қилған. Шуниң билән хитайда һәр қайси ширкәтләрдә муқимсизлиқ келип чиқишқа башлиған.

Б б с ниң баян қилишичә, әнглийидики дурхам университетиниң иқтисадшунас профессори җаң җижчавниң қаришичә, хитайда пәйда болуватқан пул пахаллиқини, хитайниң өзиниң ички мәсилилири кәлтүрүп чиқарған.

Хитайдики пул пахаллиқи, көпинчә һалда хитайда йолға қоюлған иқтисадий җәһәттики пурсәтпәрәсликтин, мәсилән, өй -земин содисида пәйда болған иқтисади мазғаптин келип чиққан.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.