دۇنيا ئۇيغۇر قۇرۇلتىيى 10 - دېكابىر كىشىلىك ھوقۇق كۈنى نامايىش ئۆتكۈزمەكچى

دۇنيا ئۇيغۇر قۇرۇلتىيىمۇ بۇ مۇناسىۋەت بىلەن 10 - دېكابىر كىشىلىك ھوقۇق كۈنىدە ميۇنخېندا نامايىش ئۇيۇشتۇرماقچى. بۈگۈن دۇنيا ئۇيغۇر قۇرۇلتىيى ئېلان قىلغان چاقىرىقىدا، ئۇيغۇرلارنىڭ ئۆز ۋەتىنىدە ئەركىن پىكىر قىلىش، نامايىش قىلىش، يىغىلىش ئەركىنلىكىدىن مەھرۇم قېلىۋاتقانلىقىنى تەكىتلەپ، دۇنيا جامائەتچىلىكىنى كىشىلىك ھوقۇق كۈنىدە مانا مۇشۇنداق زۇلۇمغا ئۇچراۋاتقانلارنى ئۇنتۇپ قالماسلىققا چاقىردى ۋە ھەرقايسى ئالاقىدار تەشكىلات، شەخسلەرنى ھەمدە ئۇيغۇر جامائىتىنى نامايىشقا ئىشتىراك قىلىشقا تەكلىپ قىلدى.

بۈگۈن ئامېرىكا دۆلەت ئىشلىرى مىنىستىرى ھىللارىي كىلىنتون خانىم ئىرلاندىيىنىڭ دۇبلىن شەھىرىدە كىشىلىك ھوقۇق توغرىسىدا نۇتۇق سۆزلەپ، كىشىلىك ھوقۇقنى ئىنسانلارنىڭ رىئاللىقىغا ئايلاندۇرۇشنى تەكىتلىدى. ئۇ «كىشىلىك ھوقۇق خىتابنامىسى پەقەتلا بىر تۈزۈم، ماددا ئەمەس بەلكى ساغلام بىر جەمئىيەتنىڭ كاپالىتى» دېدى.