Дуня уйғур қурултийи 10 - декабир кишилик һоқуқ күни намайиш өткүзмәкчи

10 - Декабир күни дуня кишилик һоқуқ күни шундақла хәлқара кишилик һоқуқ хитабнамиси қобул қилинған күн. Һәр йили бу күндә бирләшкән дөләтләр тәшкилати вә дунядики кишилик һоқуққа көңүл бөлидиған дөләт вә органлар түрлүк паалийәтләр арқилиқ кишилик һоқуқниң инсанлар туғулуштин тартип игә болидиған бир тәбиий һоқуқ икәнликини вә дуняниң һәммә булуң - пучқақлирида омумлишиши керәкликини йәнә бир қетим кишиләр сәмигә салиду.
Мухбиримиз ирадә
2012.12.06


Дуня уйғур қурултийиму бу мунасивәт билән 10 - декабир кишилик һоқуқ күнидә мюнхенда намайиш уюштурмақчи. Бүгүн дуня уйғур қурултийи елан қилған чақириқида, уйғурларниң өз вәтинидә әркин пикир қилиш, намайиш қилиш, йиғилиш әркинликидин мәһрум қеливатқанлиқини тәкитләп, дуня җамаәтчиликини кишилик һоқуқ күнидә мана мушундақ зулумға учраватқанларни унтуп қалмаслиққа чақирди вә һәрқайси алақидар тәшкилат, шәхсләрни һәмдә уйғур җамаитини намайишқа иштирак қилишқа тәклип қилди.

Бүгүн америка дөләт ишлири министири һилларий килинтон ханим ирландийиниң дублин шәһиридә кишилик һоқуқ тоғрисида нутуқ сөзләп, кишилик һоқуқни инсанларниң риаллиқиға айландурушни тәкитлиди. У “кишилик һоқуқ хитабнамиси пәқәтла бир түзүм, мадда әмәс бәлки сағлам бир җәмийәтниң капалити” деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.