Дуня уйғур қурултийи хитайниң 30-қетимлиқ милләтләр иттипақлиқи ейи чақириқини тәнқид қилди

5-Ай, уйғур районида милләтләр иттипақлиқи ейи қилип бекитилгинигә 30 йил болди. Уйғур районлуқ партком милләтләр иттипақлиқи ейи тәрбийисиниң 30 йиллиқи мунасивити билән 26-апрел күни йәнә бир уқтуруш чиқирип бир қатар орунлаштурушларни елип барған.
Мухбиримиз шөһрәт һошур
2012-04-30
Share

Орунлаштурулған паалийәт вә чақириқлар арисида, лей фиңдин өгиниш, 3 айрилалмаслиқ дегәнгә охшаш 30 йилдин бери көпийип меңиватқан шоарлар зәнҗири йәнә тәкитләнгән; әмма 5-июл вәқәсигә охшаш икки милләт мунасивитигә аит зор вәқәләр һәққидә һечнәрсә дейилмигән.

Уйғур көзәткүчиләрниң қаришичә, милләтләр иттипақлиқи ейи паалийити башланғандин буян районда миллий қаршилиқ һәрикәтлири һәссиләп күчийип барған. Барин инқилаби, ғулҗа вәқәси, 5-июл вәқәси буниң типик өрнәклири болса, хотән, қәшқәр, қағилиқ вә корла вәқәлири бу вәзийәтниң әң йеқинқи мисаллиридур.

Бүгүн дуня уйғур қурултийи баянатчиси дилшат ришит радиомизға бу һәқтә баянат берип, хитай һөкүмитини, милләтләр иттипақлиқи тәрбийисидин ибарәт ақмас тәдбиридин ваз кечишигә, буниң орниға районниң реал мәсилилирини хәлқниң һәқиқий вәкиллири билән сөзлишишкә җасарәт қилишқа чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт