Дуня уйғур қурултийиниң йиғини рәсмий музакирә басқучиға кирди

Америка пайтәхти вашингтонда чақирилған мәркизи германийидики дуня уйғур қурултийиниң 3 - нөвәтлик қурултийи җүмә күндин башлап, рәсмий музакирә басқучиға кирди. Шу күни һәр қайси әлләрдин кәлгән вәкилләр вирҗинийә штатиниң хериндон наһийисидики бир меһманханида топлинип, вәкилләрниң тәклип пикирини музакирә қилишқа башлиди.
Мухбиримиз әркин
2009-05-22
Share

Бу қетимқи қурултай дуня уйғур қурултийи тарихидики әң муһим йиғинларниң бири болуп, америкида чақирилған тунҗи зор көләмлик йиғилишларниң биридур. Дуня уйғур қурултийи рәиси рабийә қадир ханим, пәйшәнбә күни қурултайниң америка дөләт мәҗлис бинасидики ечилиш мурасимида мухбиримизға, бу қетимқи қурултайда "шәрқий түркистан давасиниң келәчикигә мунасивәтлик нигизлик мәсилиләрниң музакиригә қоюлидиғанлиқи вә вәкилләрниң пикири елинидиғанлиқи," ни билдүрди.

Қурултайниң ечилиш мурасими пәйшәнбә күни өткүзүлгән, шу көни вәкилләр хитайниң вашингтондики әлчиханиси алдида намайиш қилип, күч көрсәткән иди. Қурултай йәкшәнбә күнигә қәдәр давам қилиши вә қурултайниң ахирида ахбарат елан қилиши мумкин. Аңлитишимиз давамида қурултайниң бүгүнки күнтәртипигә аит тәпсилий мәлуматларда болимиз.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт