En'gliye bash ministiri kaméron b d t ning liwiye heqqidiki qararini tenqid qildi

En'gliye bash ministiri kaméron b d t bixeterlik kéngishining ning liwiye heqqidiki 1973-nomurluq qararini tenqid qilip, bu qararning “Birleshme armiyining puqralarni qoghdash we uchush cheklen'gen rayonning tinchliqini qoghdashtiki herikiti we iqtidarini cheklep qoyghanliqi” ni tenqid qildi.
Muxbirimiz ümidwar
2011.04.17

En'gliye b b s agéntliqining xewer qilishiche, b d t ning mezkur qararining birleshme armiyining heriketlirige her xil tosalghularni körsitiwatqanliqini eskertti.

Eslide en'gliye, fransiye we amérika qatarliq döletler kazafiyning choqum texttin chüshüshi kéreklikini jakarlighan bolsimu, emma b d t ning qararida hakimiyet almishish mesilisini tilgha élinmighan.

Nöwette, qozghilangchilar bilen kazafiy qoshunliri arisidiki urushlar izchil dawamlishiwatqan bolup, misrata, ajdabiye qatarliq sheherlerde ikki terep shiddetlik soqushlarni dawamlashturmaqta.

Ötken peyshenbe küni shimaliy atlantik okyan ehdi teshkilati yighin échip, natoning kazafiy küchlirige qaritiwatqan bombardimanlirining yéterlik bolmaywatqanliqi, buning üchün téximu köp küch chiqirish lazimliqini qarar qilghan idi.

Yekshenbe künidiki xewerlerde liwiye paytexti tripolidimu hawa mudapi'e signalliri hem partlashlarning awazi anglan'ghanliqi éytildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.