Gu'entanamodiki 4 neper Uyghur erkinlikke érishti

Shimaliy atlantik okyan'gha jaylashqan bérmuda en'giliye hamiyliqida bolghan bir taqim aral döliti. Bérmuda taqim aralliri jem'iy 138 araldin teshkil tapqan bolup, yüz ölchimi 53 kwadirat kilométr, nopusi 61 ming. Bérmudaning asasliq iqtisadiy kirimi sayahet ishliri bolup,   2005 - yili yilliq kishi béshi otturiche kirimi dunya boyiche aldinqi qatargha ötken.

Igilinishiche erkinlikke érishken 4 neper Uyghur bügün yeni  11 - iyun etigen sa'et 5:30 da bérmudaning paytexti xamilton'gha yétip kelgen bolup, ular ikki neper adwokat, bir terjiman we bir qisim amérika hökümet tarmaqlirining xadimliri bilen birlikte mexsus ayrupilan bilen bu döletke ewetilgen.

Tünügün ténch okyan'gha jaylashqan aral döliti palaw göentanamodiki 17 neper Uyghurni qobul qilidighanliqini élan qilghan idi. Buning bilen xitay hökümiti tashqi ishlar ministirliqi bayanatchisi derhal bayanat élan qilip, bu Uyghurlar térrorchi, ular bizge qayturup bérilishi kérek, dep amérikini bu Uyghurlargha  3 - dölet izdeshni toxitishqa chaqirghan idi. 4 Neper Uyghurning erkinlikke chiqqanliq xewiri washin'gton pochtisi, roytéris, birleshme xewer agéntliqi qatarliq pütün dangliq xewer agéntliqlirida xewer qilindi.

Xewerlerde emdi qalghan 13 neper Uyghurning palawgha yerleshtürülidighanliqi texmin qiliniwatqan bolsimu, emma bu 4 neper Uyghurning nechche waqittin béri ismi tilgha élinmighan bérmudagha tuyuqsizla orunlashturulushi qalghan 13 neper Uyghurning palawdin bashqa döletlergimu orunlashturulush éhtimalliqini küchlendürmekte.