'Қанунниң сиртида: гүәнтанамо һекайилири' филими америкида қоюлиду

Гүәнтанамо һәққидә ишләнгән һөҗҗәтлик филим "қанунниң сиртида: гүәнтанамо һекайилири" ни америкида көрситиш 4 - ноябир башлиниду. Мәзкур филимни әнгилийилик язғучи әндий вортиңтон вә режиссор поллий нәш бирлишип ишлигән болуп, филим бу йил өктәбирдә әнгилийидә тамашибинлар билән йүз көрүшкән.
Мухбиримиз җүмә
2009-11-02
Share

Әндий вортиңтонниң радиомизға йоллиған мәлуматиға қариғанда, мәзкур филим америкиниң нюйорк шәһири, вирҗинийә штатидики бир қисим орунлар, америка пайтәхти вашингтон (коломбийә райони), вә сан франсиско шәһиридики бир қисим орунларда көрситилидикән.

Мәзкур филим гүәнтанамодин қоюп берилгән мәһбуслар, әнгилийилик, америкилиқ бир қисим адвокатлар билән елип барған сөһбәт вә зиярәт хатирилиригә асасән ишләнгән.

Филимдә, бош һөкүмитиниң америка қанунлири вә хәлқара өлчәмләрни бир чәткә қайрип қоюп, тутқунларни афғанистан вә пакистандин қандақ йиғип кәлгәнлики һәмдә мәһбусларниң гүәнтанамодики кәчмишлири сөзлиниду.

Әндий вортиңтон әнгилийилик мустәқил язғучи болуп, у илгири "гүәнтанамо һөҗҗәтлири" намлиқ китабни йезип нәшр қилдурған. Униң бу китабида гүәнтанамодики уйғурлар һәққидиму хели коп мәзмунлар бар.

Аптор илгири, гүәнтанамо уйғурлири вә у йәрдин қоюп берилгәнләр һәққидә көп қетим мақалә елан қилип, буш һөкүмитиниң уларни тезрәк әркинликтин бәһриман қилишиға һәйдәкчилик қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.