ئامېرىكا تاشقى ئىشلار مىنىستىرى ھىلارى كلىنتون ئەزەربەيجاننى زىيارەت قىلدى

ئامېرىكا تاشقى ئىشلار مىنىستىرى ھىلارى كلىنتون پولشاغا قاراتقان زىيارىتىنى ئاخىرلاشتۇرۇپ بولۇپ، يەكشەنبە كۈنى ئەزەربەيجان پايتەختى باكۇغا كەلدى ۋە ئەزەربەيجان پرېزىدېنتى ئىلھام ئېلىيېف بىلەن ئۇچرىشىپ، ئەزەربەيجان - ئامېرىكا ھەم كاۋكازىيە مەسىلىلىرى بويىچە پىكىر ئالماشتۇردى.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2010-07-04
Share

ببس ئاگېنتلىقىنىڭ خەۋەر قىلىشىچە، كلىنتون خانىم پولشادا، ئامېرىكىنىڭ مۇستەقىللىق بايرىمى كۈنى مۇناسىۋىتى بىلەن قىلغان قىلغان سۆزىدە "يەر شارىدىكى بارلىق ئىنسان ھوقۇقىنى باستۇرۇش قىلمىشلىرى" غا قارشى تۇرىدىغانلىقىنى تەكىتلىگەن بولۇپ، ئۇ ئىسمىنى ئاتىغان دۆلەتلەر ئىچىدە خىتايمۇ بار.

ب ب س نىڭ خەۋەر قىلىشىچە، پرېزىدېنت ئىلھام ئېلىيېف ھىلارى كلىنتوندىن ئەزەربەيجان بىلەن ئەرمىنىيە ئارىسىدا 1990 - يىلىدىن بۇيان ھەل بولماي كېلىۋاتقان تاغلىق قارا باغ مەسىلىسىنى ھەل قىلىشقا ياردەم كۆرسىتىشنى تەلەپ قىلغان.

ھىلارى كلىنتون تاغلىق قارا باغ توقۇنۇشىنىڭ ئامېرىكىنىڭ ئەھمىيەت بېرىۋاتقان مەسىلە ئىكەنلىكىنى تەكىتلىگەن.

ھىلارى خانىم ئەزەربەيجانغا كېلىشتىن ئىلگىرى، ئامېرىكا بىلەن پولشا ھۆكۈمىتى ئامېرىكىنىڭ پولشادا باشقۇرۇلىدىغان بومبىدىن مۇداپىئە كۆرۈش سىستېمىسى پىلانىغا ئائىت كېلىشىم تۈزگەن ئىدى.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت