دىلنار ئابدۇللا بۇ يىل 20 - ئىيۇلدىن باشلاپ خوڭكوڭدا بىر نەچچە مەيدان ئويۇن قويىدىكەن

مەلۇم بولۇشىچە دىلنار ئابدۇللا تەشكىللىگەن «دىلنار سەنئەت ئۆمىكى» بۇ يىل 20 - ئىيۇلدىن باشلاپ خوڭكوڭدا بىر نەچچە مەيدان ئويۇن قويىدىكەن.
مۇخبىرىمىز جۈمە
2012.06.16


خوڭكوڭ ئالاھىدە رايونلۇق ھۆكۈمەتنىڭ تور بېتىدە بۇ ھەقتە بېرىلگەن ئۇقتۇرۇشقا قارىغاندا دىلنار ئابدۇللا بۇ نۆۋەت خوڭكوڭدا قويىدىغان ئويۇنىغا «مەشرەپ» دەپ نام بېرىلگەن.

دىلنار سەنئەت ئۆمىكى 2008 - يىلى تەشكىللەنگەن بولۇپ، شۇندىن كېيىن ئوتتۇرا ئاسىيا ئەللىرى ۋە تۈركىيە قاتارلىق دۆلەتلەردە ئويۇن قويغان.

ئۇلارنىڭ بۇ نۆۋەت خوڭكوڭدا قويىدىغان ئويۇنى خوڭكوڭدا ئەڭ ئاز دېگەندىمۇ ئىككى مەيدان كۆرسىتىلىدىكەن.

ھازىرچە ئۆمەكنى قايسى ئورگاننىڭ تەكلىپ قىلغانلىقى ۋە تەكلىپ قىلىشتىكى مۇددىئا ئېنىق ئەمەس. ئويۇن ھەققىدىكى ئۇقتۇرۇشنىڭ خوڭكوڭ ھۆكۈمەت تورىدا بېرىلگەنلىكىگە قارىغاندا ئويۇننى ھۆكۈمەت دائىرىلىرىنىڭ تەشكىللىگەن بولۇشى ئېھتىمالغا يېقىن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.