Xitay ilham toxtining indi'ana uniwérsitétida tetqiqat qilishigha yol qoymidi

Béyjingdiki merkiziy milletler uniwérsitétining proféssori ilham toxti ependi shenbe küni béyjing ayrodromida amérikigha seper qilishtin toxtitip qoyulghan hemde 10 sa'ettin artuq waqit ayrodromda tutup turulghandin kéyin öyige qayturiwétilgen.
Muxbirimiz ümidwar
2013.02.04
Share on WhatsApp
Share on WhatsApp

Amérika birleshme agéntliqining 3-féwral küni xewer qilishiche, ilham toxti ependi ayrodromda 12 sa'et toxtitip qoyulup, bixeterlik xadimliri teripidin soraq qilin'ghan bolsimu, emma bixeterlik xadimliri uning néme üchün toxtitip qoyulush sewebini chüshendürmigen.

Ilham toxti ependi amérikining ottura yawro - asiya tetqiqati merkezleshken uniwérsitétliridin biri indi'ana uniwérsitétida tetqiqat we bilim ashurushqa teklip qilin'ghan bolup, u özining mezkur sepirige atlinip, ayropilan'gha chiqishtin burun toxtitip qoyulghan.

Indi'ana uniwérsitéti Uyghur éli tetqiqati kespi tesis qilin'ghan uniwérsitét bolup, mezkur uniwérsitétta Uyghur tili, Uyghur élining tarixi, siyasiy, ijtima'iy, iqtisadiy, medeniyiti we bashqa mesililiri boyiche mexsus dersler tesis qilin'ghan bolup, bu yerde bir qisim oqughuchilar mezkur sahe boyiche doktorluq we magistirliq unwanliri üchün oqumaqta.

Melum bolushiche, ilgirimu ilham toxtining bir qanche qétim chet'ellerdiki ilmiy muhakime yighinlirigha qatnishish sepiri tosup qoyulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.