Америка һөкүмәт органлириниң юмшақ деталини оғрилиған хитай компютер инженери қолға елинди

Америка тәптиш идариси 18-январ чаршәнбә күни, ню-йорк шәһиридә олтурушлуқ хитай дөләт тәвәликидики компютер инженери җаң бавни америка һөкүмәт органлириниң юмшақ деталини оғрилиған дегән җинайәт билән әйибләп қолға алди.
Мухбиримиз меһрибан
2012.01.19

Мәлум болушичә, бу йил 32 яшқа киргән компютер инженери җаң бав хитай пуқраси болуп, у өзиниң ню-йорк бирләшмә агентлиқи банкисиниң тәклип қилинған компютер инженери болуштәк хизмәт қулайлиқидин пайдилинип, ню-йорк бирләшмә агентлиқи банкисиниң 10 милйон доллар қиммитидики компютер юмшақ деталини оғрилиған.

Җаң бавниң адвокати униң хитай пуқраси икәнликини дәлиллигән болсиму, әмма у тәптишниң әйибнамиси һәққидә баянат беришни рәт қилди. Мәлум болушичә җаң бав бу йил 2-айниң 17-күни йәнә сотқа чиқидиған болуп, әгәр униң җинайи җавабкарлиқи бекитилсә, 10 йиллиқ қамақ җазасиға һөкүм қилиниши мумкин икән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.