Islam dinigha qarishi filimning ishligüchisi öyidin élip kétildi

Melum bolushiche, bu yil 55 yashliq nakowla basély nakowla esli misirdin amérikigha köchüp kelgen xristi'an muriti bolup, u ilgiri aldamchiliq jinayiti bilen eyiblen'gen we képillikke qoyup bérilgen iken.

Xewerlerge qarighanda, da'iriler uni bu qétim képillikke qoyup bérish shertlirini buzush bilen eyiblep, oyidin élip ketken we uni soraq qilishqa bashlighan.

Muhemmed peyghember haqaretlinidighan filim intérnétta tarqalghandin kéyin, bu pütün dunya musulmanliri arisida naraziliq qozghighan we namayishlargha seweb bolghan idi.

Nakowla mezkur filimni ishligüchi bolush süpiti bilen diqqet merkizige ayalghan.

Melum bolushiche, nakowla 2010 - yili banka aldamchiliqi we saxta isim bilen krédit karta hésabati échish jinayetliri bilen eyiblinip 21 ayliq qamaq jazasigha höküm qilin'ghan we 5 yilliq közitish sheriti bilen képillikke qoyup bérilgen iken.

Xewerlerge qarighanda, képillik shertliride nakowla intérnét ishlitishtin cheklen'gen. Eger nakowlaning islamgha qarshi filimni intérnétta teshwiq qilish arqiliq yuqiriqi shertni buzghanliqi ispatlansa, u qayta qolgha élinip türmige tashlinidiken.