Jenubiy koriye bügün chégra siziqidin ötken shimaliy koriye kémilirige top étip agahlandurush berdi

Amérika awazining bayan qilishiche, bügün jenubiy koriye herbiy paraxotliri sériq déngizda, chégra siziqidin halqip ötken shimaliy koriye béliqchi paraxotigha top étip agahlandurush berdi.
Muxbirimiz weli
2010-11-03
Share

Jenubiy koriye herbiy qisim shitab bashliqi yighini élan qilghan axbaratta éytilishiche, shimaliy koriyining béliqchi paraxotliri talash -tartishtiki chégra siziqidin halqip ötkende agahlandurush bérilgendin kéyinmu, yene ikki sa'ettin artuq toxtap andin qaytip ketken.

Jenubiy koriye bilen shimaliy koriye otturisida, del mushu talash - tartishta turuwatqan chégra siziqining etrapida, 1999‏ - yili, 2002‏ - yili we bultur shiddetlik déngiz urushi yüz bergen idi. Bu yil 3‏ - aydimu mushu jayda, jenubiy koriyining bir herbiy paraxoti chöktürüwétilgen, 46 neper déngiz eskiri öltürülgen weqe yüz berdi.

Bu weqe xelq'araliq tekshürüshte, shimaliy koriye atqan su minasi keltürüp chiqarghan weqe ikenliki éniqlan'ghan bolsimu, emma piyonyang hökümiti hazirgha qeder jinayitidin téniwélip turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet