پاكىستاندىكى جىددىي ۋەزىيەت خىتاينى ئەندىشىگە سالدى
2012.09.21
پاكىستان باش مىنىستىرى ئەشرەپ جۈمە كۈنى بايانات بېرىپ، پاكىستان ھۆكۈمىتىنىڭ خەلقنىڭ مال-مۈلكى، ھاياتى بىخەتەرلىكىگە كاپالەتلىك قىلىش ئۈچۈن پاكىستاندا داۋاملىشىۋاتقان قالايمىقانچىلىققا قارىتا تەدبىر قوللىنىدىغانلىقىنى بىلدۈرگەن.
بىر ھەپتىدىن بۇيان پاكىستاندا داۋاملىشىۋاتقان نامايىشنىڭ داۋامى ئاممىۋى توپىلاڭغا ئۆزگەرگەن. پاكىستان دۆلەتلىك تېلېۋىزىيە ئىستانسىسىنىڭ خەۋەر قىلىشىچە، 21-سېنتەبىر كۈنى پاكىستاندا« مەملىكەت بويىچە مۇھەممەت پەيغەمبەرنى سۆيۈش» كۈنى دەپ بەلگىلەنگەن بولۇپ، جۈمە كۈنى ئېلىپ بېرىلغان نامايىشتا ئۇرۇش-چېقىش، كۆيدۈرۈش ھەم ئادەم ئۆلتۈرۈش ۋەقەلىرى يۈز بەرگەن. پاكىستان دۆلەتلىك تېلېۋىزىيە ئىستانسىسىنىڭ بىر خىزمەتچى خادىمىمۇ پىشاۋۇر شەھىرىدە نامايىشچىلار تەرىپىدىن ئۇرۇپ ئۆلتۈرۈۋېتىلگەن.
خىتاينىڭ يېقىن قوشنىسى بولغان پاكىستاندىكى بۇ خىل جىددىي ۋەزىيەت خىتاي دائىرىلىرىنى ئەندىشىگە سالغان بولۇپ، رايوندا بىخەتەرلىك تەدبىرلىرى كۈچەيتىلگەن. ئىگىلىشىمىزچە، خىتاي ئۆلكىلىرىدە يېقىندىن بۇيان ياپونغا قارشى نامايىشلار داۋاملىشىۋاتقان بولسىمۇ، ئەمما ئۇيغۇر ئاپتونوم رايون دائىرىلىرى ئۇقتۇرۇش چىقىرىپ ئۈرۈمچى قاتارلىق شەھەرلەردە ھەرقانداق نامايىشنىڭ ئېلىپ بېرىلىشى چەكلىنىدىغانلىقىنى ئۇقتۇرغان.
كۆپ كۆرۈلگەن خەۋەرلەر
RFA
- ئىستانبۇلدا «ئۇيغۇر مەھەللىسى» قۇرۇلۇشىنىڭ پۈتۈپ چىقىشى مۇناسىۋىتى بىلەن ئېچىلىش مۇراسىمى ئۆتكۈزۈلدى
- تورونتو ئۇنىۋېرسىتېتى دوكلاتى: «ئۇيغۇر ئايال كىشىلىك ھوقۇق قوغدىغۇچىلىرى ۋە ژۇرنالىستلار خىتاينىڭ مىسلى كۆرۈلمىگەن باستۇرۇشىغا ئۇچرىغان»
- ئۇيغۇر ۋەكىللىرى تۈركىيە پارلامېنتىدىن ئۇيغۇر قىرغىنچىلىقىنى ئۆز كۈنتەرتىپىگە قويۇشنى تەلەپ قىلدى
- نۇرى تۈركەل: «ئامېرىكانىڭ ئانامنى ئەكېلىشىنى ئۇيغۇرلارغا كۆرسىتىۋاتقان غەمخورلۇقىنىڭ ئىپادىسى، دەپ قارايمەن»
- ب د ت دا مىللەتلەرنىڭ ۋەكىللىك قىلىش ھەق-ھوقۇقلىرى مۇھاكىمە قىلىندى