Pakistandiki jiddiy weziyet xitayni endishige saldi

Pakistanda dawamlishiwatqan muhemmed eleyhissalamgha haqaret qilip ishlen'gen filimge qarshi naraziliq namayishining topilanggha özgirishi seweblik, pakistan da'iriliri pakistandiki paytext islam abat qatarliq 15 sheherde qol téléfon mulazimitining toxtitilghanliqini jakarlidi.
Muxbirimiz méhriban
2012-09-21
Share

Pakistan bash ministiri eshrep jüme küni bayanat bérip, pakistan hökümitining xelqning mal-mülki, hayati bixeterlikige kapaletlik qilish üchün pakistanda dawamlishiwatqan qalaymiqanchiliqqa qarita tedbir qollinidighanliqini bildürgen.

Bir heptidin buyan pakistanda dawamlishiwatqan namayishning dawami ammiwi topilanggha özgergen. Pakistan döletlik téléwiziye istansisining xewer qilishiche, 21-séntebir küni pakistanda" Memliket boyiche muhemmet peyghemberni söyüsh" küni dep belgilen'gen bolup, jüme küni élip bérilghan namayishta urush-chéqish, köydürüsh hem adem öltürüsh weqeliri yüz bergen. Pakistan döletlik téléwiziye istansisining bir xizmetchi xadimimu pishawur shehiride namayishchilar teripidin urup öltürüwétilgen.

Xitayning yéqin qoshnisi bolghan pakistandiki bu xil jiddiy weziyet xitay da'irilirini endishige salghan bolup, rayonda bixeterlik tedbirliri kücheytilgen. Igilishimizche, xitay ölkiliride yéqindin buyan yapon'gha qarshi namayishlar dawamlishiwatqan bolsimu, emma Uyghur aptonom rayon da'iriliri uqturush chiqirip ürümchi qatarliq sheherlerde herqandaq namayishning élip bérilishi cheklinidighanliqini uqturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet