Uyghur élide 376 ademge dölet bixeterlikige alaqidar jinayet bilen jaza bérilgen

Uyghur éli da'irilirining 2010-yilida dölet bixeterlikige alaqidar jinayet bilen 376 ademge jaza bergenliki ilgiri sürülmekte.
Muxbirimiz jüme
2011-01-17
Share

Bu heqtiki melumatni Uyghur éli yuqiri sotning re'isi rozi isma'il 14-yanwar Uyghur élide chaqirilghan 11-nöwetlik xelq qurultiyi 4-omumiy yighinida bergen doklatida ashkarilighan.

U, jazalan'ghanlar ichide "4-awghust semen weqesi", "12-awghust", "14‏-awghust" weqelirige chétilghan ademlerningmu barliqini ilgiri sürgen.

2008- Yili 4- awghust qeshqerde ikki Uyghur yash etigenlik chénishqa chiqqan xitay eskerlirige aptomobil bilen hujum qilip, 16 xitay eskirini öltürgen we 17 eskirini yaridar qilghan idi.

Xewerde, yuqirida tilgha élin'ghan 376 ademning millet terkibi we yene asasliqi qaysi weqelerge chétishliq ikenliki körsitilmigen bolsimu, Uyghur élide xitaylar dölet bixeterlikige alaqidar jinayetler bilen eyiblinidighan ehwallar intayin kem uchraydighan bolghachqa, bular hemmisining Uyghur bolush éhtimali otturigha qoyulmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet