مۇسۇلمانلارغا قارشى فىلىم ئىشلىگەن كالىفورنىيىلىك تۈرمىگە تاشلاندى

خەۋەرلەرگە قارىغاندا باسسېلېي ناكوۇلا ئىلگىرى بېرىلگەن كېپىللىككە قويۇپ بېرىش شەرتلىرىگە خىلاپلىق قىلىش جىنايىتى بىلەن ئەيىبلىنىپ 27 - سېنتەبىر قولغا ئېلىندى.

باسسېلېي ناكوۇلا ئەسلىي مىسىرلىق خرىستىئان مۇرىتى بولۇپ، ئامېرىكىغا كۆچۈپ كېلىپ يەرلەشكەن. ئۇنىڭ ئەسلى ئىسمى مارك باسسېلېي يۈسۈف ئىكەن.

27 - چېسلا كالىفورنىيە مەركىزىي رايونلۇق سوتنىڭ سوتچىسى سۇزان سېگال باسسېلېينىڭ كېلەر قېتىم سوت ئېچىلغۇچە كېپىللىككە قويۇپ بېرىلمەيدىغانلىقىنى بىلدۈرگەن.

باسسېلېي مەلۇم بولۇشىچە، ناكوۇلا 2010 - يىلى بانكا ئالدامچىلىقى ۋە ساختىلىق قىلىپ كرېدىت كارتا ھېساباتى ئېچىش جىنايەتلىرى بىلەن ئەيىبلىنىپ 21 ئايلىق قاماق جازاسىغا ھۆكۈم قىلىنغان ۋە 5 يىللىق كۆزىتىش شەرىتى بىلەن كېپىللىككە قويۇپ بېرىلگەن ئىكەن.

ئۇنىڭ بۇ نۆۋەت تۈرمىدە قانچىلىك ياتىدىغانلىقى، كېيىنكى سوتنىڭ قاچان ئېچىلىدىغانلىقى مەلۇم ئەمەس.