جەنۇبىي كورىيە ھاۋا ھۇجۇمىدىن مۇداپىئەلىنىش مانېۋىرى ئېلىپ بارىدىكەن

جەنۇبىي كورىيە دائىرىلىرىنىڭ ئېلان قىلىشىچە، جەنۇبىي كورىيە بۇ ھەپتە شىمالىي كورىيە ھۇجۇملىرىغا قارشى ھاۋا ھۇجۇمىدىن مۇداپىئەلىنىش مانېۋىرى ئېلىپ بارىدىكەن.
مۇخبىرىمىز جۈمە
2010.12.13

مەزكۇر خەۋەرنى جەنۇبىي كورىيە دۆلەتلىك جىددىي ئەھۋاللارغا تاقابىل تۇرۇش ئىدارىسى ئۇقتۇرغان بولۇپ، مانېۋىر چارشەنبە كۈنى شۇ جاي ۋاقتى چۈشتىن كېيىن سائەت ئىككىدە ئېلىپ بېرىلىدىكەن.

مانېۋىردا، جەنۇبىي كورىيە كۈرەشچى ئايروپىلانلىرى تەقلىدىي ھاۋا ھۇجۇمى ئېلىپ بارىدىكەن. ھاۋا ھۇجۇمى باشلانغاندا، ھاۋا ھۇجۇمىدىن مۇداپىئەلىنىش سىگنالى چېلىنىپ، كىشىلەر دۆلەت باشقۇرۇشىدىكى بارلىق يەر ئاستى مۇداپىئەلىنىش ئەسلىھەلىرىگە كىرىپ پاناھلىنىش مەشىقى ئېلىپ بارىدىكەن.

جەنۇبىي كورىيە دۆلەتلىك جىددىي ئەھۋاللارغا تاقابىل تۇرۇش ئىدارىسىنىڭ بىلدۈرۈشىچە، بۇ نۆۋەتلىك مانېۋىردا ئاساسلىقى خەلقنى ھاۋا ھۇجۇمىدىن پاناھلىنىش ئورۇنلىرىغا يۆتكەش مەشىقى ئېلىپ بېرىلىدىكەن.

ئۆتكەن ھەپتە جەنۇبىي كورىيە ئامېرىكا بىلەن بىرلىكتە ئۇرۇش مانېۋىرى ئېلىپ بارغان ئىدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.