Шималий корийә америкиға тәһдит салди

Шимали корийә даирилири бүгүн америкини агаһландуруп, америка билән җәнубий корийә һәптә ахири һәрбий маневир башлиса, шималии корийиниң буниңға "әмәлий инкас қайтуридиғанлиқи"ни билдүрди. Шималий корийә баянатчиси ри тоңил вейтнам пайтәхти ханойда чақирилған шәрқий - җәнубий асия мунбири йиғинида тәрәпләрни агаһландуруп, япон деңизида йәкшәнбә күни башлинидиған маневирни америкиниң "дүшмәнлик" һәрикитиниң йәнә бир ипадиси дәп қарайдиғанлиқини тәкитлигән. Лекин у, қандақ "әмәлий инкас" қайтуридиғанлиқини илгириләп чүшәндүрмигән.
Мухбиримиз әркин
2010-07-23
Share

Йиғинда, америка дөләт ишлар министири һеларий клинтон ханим сөз қилип, шималий корийидин америка вә асиядики қалған дөләтләр билән яхши мунасивәт орнатмақчи болса, "иғвагәрчилик һәрикити вә көкәмилик " кә хатимә беришни тәләп қилған.

Лекин, ри тоңил америка билән җәнубий корийиниң бирләшмә һәрбий маневирини шималий корийиниң игилик һоқуқиға таҗавуз қилғанлиқ дәп қарайдиғанлиқини әскәртип, "бизниң позитсийимиз наһайити ениқ: америкиниң һәрбий тәһдитигә әмәлий инкас қайтуримиз" дегән. Клинтон ханим чаршәнбә күни җәнубий корийә билән шималий корийә арисидики қоралсиз районни зиярәт қилип, америкиниң шималий корийигә йеңи имбарго йүзгүзидиғанлиқини елан қилған иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт