134 Нәпәр нобел мукапати саһиби лю шавбони қоюп беришни тәләп қилди

134 Нәпәр нобел мукапатиға еришкән әрбаб бирләшмә имза қоюп, түрмидә йетиватқан нобел тинчлиқ мукапатиниң еришкүчиси лю шавбони қоюп беришни тәләп қилди.
Мухбиримиз үмидвар
2012.12.09
Share on WhatsApp
Share on WhatsApp


Америка авазиниң хәвәр қилишичә, 4 - декабир күни 134 нәпәр нобел мукапати еришкүчиси хитайниң йеңидин сайланған дөләт рәиси ши җинпиңға бирләшмә имзалиқ хәт әвәтип, лю шавбони дәрһал қоюп беришни тәләп қилған.

7 - Декабир күнигә кәлгәндә мәзкур имзалиқ хәткә франсийидә яшаватқан хитай язғучиси, 2000 - йили нобел әдәбият мукапатиға еришкән гав шиңҗйәнму аваз қошуп, лю шавбони қоюп беришни тәләп қилғучилар қатариға өткән. Мәзкур 134 адәмниң ичидә йәнә төт нәпәр хитай миллитидин келип чиққан нобел мукапати еришкүчисииму бар икән.

134 Адәм очуқ хәт йезип, лю шавбони қоюп беришни тәләп қиливатқан бу күнләрдә 2012 - йиллиқ нобел әдәбият мукапати еришкүчиси мойәнниң аилиси билән шветсийигә берип, мукапатни тапшуривелиш мурасимиға қатнишидиғанлиқи түрлүк ғулғулиларға сәвәб болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.