Әнглийә баш вәзири камерон лондондики топилаңни әйиблиди

Әнглийә баш вәзири давид камерон дүшәнбә күни кәч баянат елан қилип, 6-авғуст шәнбә күни лондонда башланған наразилиқ намайишиниң топилаңға айлинип, еғир ақивәт пәйда қилғанлиқини әйиблиди.
Мухбиримиз меһрибан
2011.08.09

Баш вәзир камерон йәнә вәқә садир қилғучиларниң җинайи җавабкарлиқи сүрүштүрүлидиғанлиқини билдүрди.

Б б с агентлиқиниң хәвәрлиридин мәлум болушичә, 4-авғуст, лондонда 29 яшлиқ марк дорганниң сақчилар тәрипидин етип өлтүрүлүш вәқәси йүз бәргәндин кейин, нәччә йүзлигән амма сақчихана сиртиға топлинип, тинчлиқ намайиши арқилиқ наразилиқини ипадилигән. Әмма, 6-авғуст шәнбә күни кәчтә намайишчилар билән сақчилар оттурида тоқунуш йүз берип, намайиш тезликтә нәччә он миң кишилик топилаңға айланған.

3 Күндин буян вәқә тезликтә әнглийәниң башқа шәһәрлиригиму кеңийип, сақчи аптомобиллирини көйдүрүветиш, һәтта чоң магизинларни чеқип, булаң-талаң қилиш вәқәлири йүз бәргән.

Әнглийә һөкүмәт даирилири һазирғичә вәқә садир қилғучилардин 40тин артуқ кишиниң қолға елинғанлиқини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.