“лос анҗилис вақит гезити”: америка гуәнтанамодики уйғурларни орунлаштурушни қайтидин ойлишиши керәк

“лос анҗилис вақит гезити” түнүгүн уйғурлар һәққидә елан қилған баш мақалисидә, америка гуәнтанамодики уйғурларни орунлаштурушни қайтидин ойлишиши керәк дәп көрсәтти.
Мухбиримиз вәли
2011.04.23

Шундақла бу баш мақалидә, америка техичә гуәнтанамода тутуп туруватқан 5 нәпәр уйғурниң хата җайда хата тутулған, хаталиқниң қурбани болған кишиләр икәнликини етирап қилиду, америка дөләт мәҗлиси бу хаталиқини түзитиш мәҗбурийити бар, дегән җүмлиләр қениқ буяқ берип гәвдиләндүрүлди.

Бу баш мақалидә ейтилишичә, америка федерал сотчиси буниңдин бурун гуәнтанамодики уйғурларни америка земинида қоюп бериш һәққидә буйруқ чүшүргәндә, америка дөләт мәҗлисидә гуәнтанамодики тутқунларни америка зиминигә қоюп бәрмәслик тоғрисида бир қарар елинған иди.

Әмма бир қисим қанунчилар һелиму, америка президентиниң бу бигунаһ уйғурларни америка земинида қоюп бериш һәққидә буйруқ чүшүридиған дәхл-тәризсиз һоқуқи бар дәп қарап кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.