Tayland da'iriliri nur mehemmed isimlik bir Uyghur ni tutqun qildi

Yaponiyede chiqidighan senkey we asashi gézitining xewer qilishiche, tayland saqchiliri mushu ayning 6-küni, taylandning bankok shehiride mökünüp yüruwatqan nur mehemmet isimlik bir Uyghurni tutqun qilghan.
Muxbirimiz shöhret hoshur
2011.08.08

Xewerlerde bildürüshiche, nur mehemmed xitayning yünnen ölkisi arqiliq bérmigha, andin bérmidin taylandqa yoshurun kirgen we taylandning bankok shehiride 2 yildin béri mökünüp yashighan.

Xewerlerde yene nur mehemmedning 2009-yili ürümchide yüz bergen 5-iyul weqesige chétishliq kishi ikenliki bildürülgen.

Xewerlerning biride bildürüshiche, nurmehemmed taylandqa qanunsiz yol bilen kirgenliki üchün shundaqla taylandtiki xitay elchixanisining telipige bina'en tutqun qilin'ghan.

Weqedin xewer tapqan dunya Uyghur qurultiyi, nur mehemmed heqqide tepsiliy uchur élish we uni xitaygha qayturulush xewpidin qutuldurush üchün heriketke ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.