Baghliri mejburiy sétiwélin'ghan turpanyüzi déhqanliri erz qilmaqta

Ghulja nahiyisining turpanyüzi yézisidiki déhqanlarning inkas qilishiche, bultur hem aldinqi yilliri yéziliq hem nahiyilik hökümetning mejburlishi netijiside, öz baghlirini béyjing chingxu'a shirkitige sétip bérishke mejbur bolghan turpanyüzi yézisidiki 15 a'ililik déhqan Uyghur aptonom rayonluq erziyet ishxanisigha kolléktip erz qilghan.
Muxbirimiz méhriban
2011-01-27
Share

Ular öz erzliride yéziliq hem nahiyilik hökümetning déhqanlarning baghlirini erzan bahada xitay shirketlirige sétip bérish arqiliq, otturidin nep alghanliqini erz qilghan.

Turpanyüzi yézisidiki déhqanlarning bildürüshiche, ikki yil ilgiri chingxu'a shirkiti turpanyüzi yézisidiki baghlarni sétiwélip, bu jayda istirahet baghchisi hem méhmanxana qurmaqchi bolghinida, turpanyüzi yézisidiki déhqanlarning qattiq naraziliqigha duch kelgen. Emma, yéziliq hem nahiyilik hökümetning déhqanlargha qayta-qayta bésim qilishi netijiside, bezi déhqanlar baghlirini erzan bahada chingxu'a shirkitige sétip bérishke mejbur bolghan.

Ilgiri, turpanyüzi déhqanlirining baghlirini xitay shirkitige sétip bérishke narazi bolghanliqi hem béghini sétishni ret qilghan nuri isimlik déhqanning yéziliq hökümet da'irilirige naraziliq bildürüsh jeryanida qattiq xapiliq sewebidin késel bolup, tuyuqsiz wapat bolghanliqi heqqidiki melumatlar élan qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet