Вашингтондики йиғинда етник зиддийәтләрниң биваситә сәвәбчиси хитайниң бесим сиясити икәнлики көрситилди

Бүгүн америкиниң пайтәхти вашингтон шәһиридә “вақитлиқ бомба-хитайниң йеңи рәһбәрлири йүзлиниватқан етник кризис” темисида муһакимә йиғини чақирилди.
Мухбиримиз ирадә
2013.01.31
Share on WhatsApp
Share on WhatsApp

Йиғин америкида турушлуқ “пуқралар күчи” җәмийити тәрипидин уюштурулған. Йиғинда асаслиқ хитайдики уйғур, тибәт вә моңғул районлирида йүз бериватқан етник тоқунушлар, хитай һөкүмитиниң аз санлиқ милләтләр үстидин йүргүзүватқан сиясити билән бу етник зиддийәт арисидики мунасивәткә охшаш мәсилиләр оттуриға қоюлған.

Йиғинда сөзгә тәклип қилинғанлар арисида америка уйғур бирләшмисиниң рәиси алим сейитоф, хәлқара тибәт һәрикити тәшкилати муавин башлиқи бачуң сериң, җәнубий моңғулийә кишилик һоқуқ учур мәркизи башлиқи енгебату тогочог вә пуқралар күчи тәшкилати башлиқи яң җйәнлиләр бар. Алим сейтоф әпәнди йиғинда “райондики етник зиддийәтләрниң биваситә сәвәбчиси, уйғурлар дуч келиватқан бесим сияситидур” дәп көрсәткән.

Йиғин қатнашқучилири бирдәк, хитай һөкүмитиниң хитай болмиған милләтләр үстидин йүргүзүватқан сияситиниң қаттиқ наразилиқ пәйда қиливатқанлиқини, етник зиддийәтләрниң хитайда худди партлаш алдида турған бир бомбиға охшап қалғанлиқини оттуриға қойған вә ши җинпиң башчилиқидики йеңи рәһбәрләрни мәсилигә сәл қаримай сияситини өзгәртиш һәққидә агаһландурған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.