25 Нәпәр хитай ишчиси мисирда гөрүгә еливелинди

Мисирниң синай йерим арилидики ислам өктичи тәшкилати бедоуинлар 31-январ сәйшәнбә күни 25 нәпәр хитай ишчисини гөрүгә еливалғанлиқини билдүрди.
Мухбиримиз меһрибан
2012.01.31
Share on WhatsApp
Share on WhatsApp

Мәлум болушичә бу 29-январ йәкшәнбә күни суданда йүз бәргән хитай ишчилирини гөрүгә еливелиш вәқәсидин кейин йүз бәргән, хитай ишчилириниң африқа дөләтлиридә йәнә бир қетим гөрүгә еливелиниш вәқәси икән.

Мисир һөкүмәт даирилири гөрүгә еливелинған хитай ишчилириниң кимлики һәққидә тохтилип, уларниң синай йерим арилидики мәлум семонт завутиниң хитай инженери һәм ишчилири икәнликини билдүрди.

Бирләшмә агентлиқи, б б с агентлиқи қатарлиқларниң хәвәр қилишичә, бедоуинлар синай йерим арилидики ислам өктичи тәшкилати болуп, улар мисир һөкүмәт даирилиридин 2004-йилдин 2006-йилғичә болған арилиқта, шу җайдики партлаш вәқәсигә четишлиқ дәп қолға қолға елинған бдоуин тәшкилатиниң 5 нәпәр әзасини қоюп бәрсә, гөрүгә елинған хитай инженери һәм хитай ишчилириниң қоюп берилидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.