' Muhebbetning 10 sherti' bu yil 1 - séntebir yéngi zéllandiyide körsitilidiken

Washin'gton pochtisi gézitide neqil élip körsitishiche, yéngi zéllandiyide turushluq xitay elchixanisi bayanatchisi, bu xewerning xitay elchisining semige sélinidighanliqini, étiraz bildürüsh - bildürmeslik qararining bash elchi teripidin chiqiridighanliqini ilgiri sürgen.

Xewerde körsitilishiche, rabiye qadir xanim heqqide ishlen'gen " muhebbetning 10 sherti" namliq höjjetlik filim bu yil 1 - séntebir yéngi zéllandiye ma'ori téléwiziyiside körsitilidiken.

Bu heqte toxtalghan yéngi zéllandiye ‏ - xitay birleshmisining bash katipi jim xé, bu filimning körsitilishi kishiler arisida yéngi zéllandiyide yashawatqan xitay jama'itige nisbeten xata chüshenche peyda qilidighanliqini bildürgen.

Melum bolushiche, rabiye qadir xanim seyshenbe küni mélburn shehirige yétip kélidiken we charshenbe küni xelq'ara filim féstiwaligha qatnashqandin kéyin, shenbe küni awstraliye döletlik axbarat kulubida muxbirlarni kütüwélish yighin ötküzidiken.

Xewerde otturigha qoyulushiche, ma'ori téléwiziyisi " muhebbetning on sherti" namliq höjjetlik filimini körsitish hoquqini 2000 amérika dollirigha sétiwalghan.