'Муһәббәтниң 10 шәрти' җакарта хәлқара филим фестивалида қоюлиду

Һендонезийиниң җакарта шәһиридә чиқидиған 'йәр шари хәвәрлири' ниң 12 ‏- айниң 1 ‏- күнидики санида баян қилинишичә, һиндонезийидә 12 ‏- айниң 4 ‏- күни башлинидиған хәлқара филим фестивалида қоюлидиған даңлиқ филимләрниң бири, бу йил 7 ‏- айда австралийиниң мелборнда ечилған хәлқара филим фестивалида қоюлған 'муһәббәтниң 10 шәрти' намлиқ уйғур рәһбири рабийә қадир ханимниң сәргүзәштилири һәққидә ишләнгән һөҗҗәтлик филим дәп көрситилди.
Мухбиримиз вәли
2009-12-02
Share

Хәвәрдә баян қилинишичә, 'муһәббәтниң 10 шәрти'ни мелборнда ечилған филим фестивалида қоюш қарар қилинғанда, хитай һөкүмити қаттиқ қарши турған, шу сәвәбтин һәтта фестивалға талланған хитай филимлирини қайтуруп кәткән. Әмма бу қетим хитайниң һендонезийидики әлчиханиси техичә буниңға қарита инкас қайтурмиған.

Җакарта филим фестивалини уюштурғучиларниң бири болған навал әпәндиниң ейтишичә, бу қетим җакарта хәлқара филим фестивалиға талланған даңлиқ филимләрниң һәр қандақ бир һөкүмәтниң сиясийлаштурувелишиға рухсәт қилинмайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт